2011 წლის 28-30 ნოემბერს გეოპოლიტიკური კვლევების საერთშორისო ცენტრის ორგანიზებით საქართველოში იმყოფებოდა უკრაინის დელეგაცია უკრაინის "რადას",  შინაგან საქმეთა სამინისტროს, არასამთავრობო ორგანიზაციებისა და მედიის წარმომადგენლების შემადგენლობით.

ვიზიტის მიზანი იყო საქართველოში კორუფციასთან ბრძოლის  გამოცდილების გაცნობა და გაზიარება უკრაინის საგზაო  პოლიციის სისტემის რეფომირებისათვის.

ვიზიტი განხორცილდა საერთაშორისო პროექტის "კორუფციასთან ბრძოლის წარმატებული საერთაშორისო გამოცდილების გაზიარება უკრაინის საგზაო  პოლიციის სისტემის რეფომირებისათვის" ფარგლებში. პროექტის ინიციატორია უკრაინის სპეციალური ანტიკორუფციული საბჭო. პროეტის პარტნიორი საქართველოს მხრიდან - გეოპოლიტიკური კვლევების საერთაშორისო ცენტრი. პროექტის ფინანსური მხარდამჭერი "ფონდ ღია საზოგადოების" აღმოსავლეთ-აღმოსავლეთ თანამშრომლობის პროგრამა.

პროექტით გათვალისწინებული მიზნების მისაღწევად გეოპოლიტიკური კვლევების საერთაშორისო ცენტრის ორგანიზებით გაიმართა შეხვედრები საქართველოს შინაგან საქმეთა მინისტრ ივანე მერაბიშვილთან,  საქართველოს იუსტიციის მინიტრის მოდგილე გიორგი ვაშაძესთან, შსს პოლიციის აკადემიის რექტორ ხატია დეკანოიძესთან.  პროექტის ფარგლებში შედგა შეხვედრები საქართველოში მოღვაწე საერთაშორისო ორგანიზაციებისა და დიპლომატიური კორპუსის, არასამთავრობო  ორგანიზაციებისა და მედიის წარმომადგენლებთან.

უკრაინის დელეგაციის წევრებმა დაათვალიერეს შსს მომსახურეობის სააგენტო, შსს პოლიციის განყოფილებები, რუსთავის იუსტიციის სახლი, სასაზღვრო გამშვები პუნქტი თბილისის საერთაშორისო აეროპორტში, ლილოს საბაჟო ტერმინალი, პოლიციის განყოფილებები, პოლიციის აკადემია. მათ საშუალება ჰქონდათ ადგილზე გაცნობოდნენ რეფორმების შედეგებს, დაეთვალიერებინათ უწყებების ტექნიკური აღჭურვილობა და მუშაობის პირობები, გასაუბრებოდნენ უწყებების თანამშრომლებსა და შესაბამის სერვის ცენტრებში მოსულ მოსახლეობას.