ნატო ბაჩიაშვილმა საქართველოსა და ევროკავშირს შორის ასოცირების შეთანხმების ფარგლებში, ღრმა და ყოვლისმომცველი თავისუფალი ვაჭრობის სივრცის ხელშეკრულების ამოქმედების შესახებ საინფორმაციო შეხვედრაში მიიღო მონაწილეობა.

შეხვედრის მიზანი იყო საქართველოსა და ევროკავშირს შორის 1 სექტემბრიდან ამოქმედებული ღრმა და ყოვლისმომცველი თავისუფალი სავაჭრო სივრცის ხელშეკრულების შესახებ ინფორმაციის მიწოდება ბიზნესწრეების, არასამთავრობო ორგანიზაციებისა და სტუდენტებისათვის.

შეხვედრაში ასევე მონაწილეობდნენ: გიორგი აბაშიშვილი - საქართველოს პრეზიდენტის მრჩეველი ეკონომიკურ საკითხებში; მარიამ გაბუნია - ეკონომიკის სამინისტროს საგარეო ვაჭრობისა და საერთაშორისო ეკონომიკური ურთიერთობების დეპარტამენტის უფროსის მოადგილე; ნათია სამუშია - თბილისის პოლიტიკის ცენტრი, თავისუფალი უნივერსიტეტი.

შეხვედრა ევროპის სახლის პროექტის ფარგლებში განხორციელდა.