პროექტები

2018 წლის 10 ოქტომბრიდან გეოპოლიტიკური კვლევების საერთაშორისო ცენტრმა NATO-ს სამეკავშირეო ოფისთან თანამშრომლობით დაიწყო პროექტი: "NATO-ს წარმატების ისტორია" - NATO-ს წარმატებული ტრანსფორმაციის ისტორია: ქვეყნები ალიასში გაწევრიანებამდე და გაწევრიანების შემდგომ, უსაფრთოების გარანტიები და ვალდებულებები ალიანსის მიმართ.

პროექტის მიზანს წარმოადგენდა NATO-ს შესახებ ცნობიერების ამაღლება  NATO-ს სამეკავშირეო ოფისის წარმომადგენლებთან, ალიანსის წევრი ქვეყნების ელჩებთან, საქართველოს ოფიციალურ პირებთან და ექსპერტებთან საჯარო შეხვედრების და დისკუსიების მეშვეობით.

დავით აღმაშენებლის სახელობის ეროვნული თავდაცვის აკადემიამ გეოპოლიტიკური კვლევების საერთაშორისო ცენტრის მიერ შემუშავებული სახელმძღვანელო "საქართველოს თავდაცვის სამინისტროს ატაშეებისა და წარმომადგენლებისათვის" გამოსცა.

სახელმძღვანელო მოიცავს თავდაცვის სამინისტროს მიერ უცხო ქვეყანაში აკრედიტებული თავდაცვის ატაშეებისა და წარმომადგენლებისათვის აუცილებელ საკანონმდებლო ბაზას, საქმიანობის თავისებურებებს, ეტიკეტისა და საქმიანი მიმოწერის სპეციფიკას.

2017 წლის სექტემბერ-დეკემბრის თვეებში გეოპოლიტიკური კვლევების საერთაშორისო ცენტრი ახორციელებდა პროქეტს: NATO - ერთი ყველასათვის, ყველა ერთისათვის.

პროექტის მიზანს წარმოადგენდა NATO -ს როგორც მშვიდობისა და უსაფრთხოების გარანტორის შესახებ ცნობიერების ამაღლება სტუდენტებს შორის.

პროექტის ამოცანა იყო იმ ქვეყნების გამოცდილებისა და მაგალითების გაზიარება, რომელთაც ასევე გაიარეს რეფორმების პროცესი ალიანსში ინტეგრაციის გზაზე, განიცდიდნენ რუსეთის მხრიდან ზეწოლას და როგორ გადალახეს ეს პროცესი, როგორ მიაღწიეს საზოგადოების კონსოლიდაციას და როგორ გახდნენ ალიანსის წევრი. ასევე, მნიშვნელოვანი იყოს იმ ქვეყნების გამოცდილების მოსმენა, რომლებიც NATO-ში უსაფრთხოების ერთ-ერთ მთავარ გარანტორებს წარმოადგენენ - როგორია ალიანსში ურთიერთთანამშრომლობის პროცესი თავდაცვისა და უსაფრთხოების მიმართებით, როგორ არის გადანაწილებული ვალდებულებები წევრ ქვეყენებს შორის ამ მიმართებით.

2017 წლის 16 დეკემბერს, სტეფანწმინდაში, GIPA-ს სამართლისა და პოლიტიკის სკოლის და ორგანიზაცია ქართველი დელეგატები მსოფლიოსთვის პროექტის პარგლებში ნატო ბაჩიაშვილმა წაიკითხა ლექცია NATO-ს შესახებ.

ლექცია შეეხო ორგანიზაციის მისიასა და გადაწყვეტილების მიღების პროცესს, NATO - საქართველოს პარტნიორობას, ალიანსში გაწევრიანების პერსპექტივას, საქართველოს წინაშე მდგარ საფრთხეებს და ა.შ.

2017 წლის 14-17 სექტემბერს გეოპოლიტიკური კვლევების საერთაშორისო ცენტრისა და კრიზისების მართვის ინიციატივის (ფინეთი) პარტნიორობით,  გაიმართა ტრენინგი საქართველოს მაღალი რანგის საჯარო მოხელეებისათვის მოლაპარაკებების წარმართვასა და კონფლიქტების დარეგულირებაში: "მოლაპარაკებები და სამშვიდობო პროცესის არქიტექტურა"- ბოსნიის და კოსოვოს მაგალითები.

2016 წლის ნოემბერ - დეკემბერში პროექტის "ნატო-ტრანსფორმაციის წარმატებული ისტორია: ქვეყნები ალიანსში გაწევრიანებამდე და გაწევრიანების შემდგომ" ფარგლებში ნატო-ს სამეკავშირეო ოფისში საქართველოში გაიმართა შეხვედრა საქართველოში ნატო-ს წევრი ქვეყნების ელჩებთან.

შეხვედრაში მონაწილეობას იღებდნენ გორის (მათ შორის საოკუპაციო ხაზთან განლაგებული სოფლების) და თბილისის არასამთავრობო ორგანიზაციების, აკადემიური წრეების წარმომადგენლები, მასწავლებლები და სტუდენტები.

2016 წლის 11-12 ოქტომბერს გეოპოლიტიკური კვლევების საერთაშორსიო ცენტრის ორგანიზებით საქართველოში ნატოს სამეკავშირეო ოფისში ჩატარდა ორდღიანი სემინარი თემაზე: ქალები მშვიდობისა და თავდაცვისათვის.

პროექტის ძირითადი მიზანი იყო  თბილისისა და რეგიონის ლიდერი ქალებისათის ცნობიერების ამაღლება ნატო-ს, როგორც რეგიონში მშვიდობისა და უსაფრთხოების გარანტორის შესახებ.