13 ნოემბერს, სასტუმროში "ქორთიარდ მერიოტი", საქართველოს მთავრობასა და "აღმოსავლეთ პარტნიორობის" სამოქალაქო ფორუმის ეროვნულ პლატფორმას შორის თანამშრომლობის მემორანდუმი გაფორმდა. მემორანდუმს საქართველოს მთავრობის სახელით დავით ბაქრაძემ, "აღმოსავლეთ პარტნიორობის" სამოქალაქო საზოგადოების ფორუმის საქართველოს ეროვნული პლატფორმის მხარიდან კი ორგანიზაციის თავმჯდომარემ ლაშა ტუღუშმა მოაწერეს ხელი.

საერთო ევროპული ღირებულებებისადმი ერთგულებიდან გამომდინარე, მემორანდუმი მიზნად ისახავს საქართველოს ევროკავშირთან ინტეგრაციის პროცესის ხელშეწყობისთვის ქვეყნის აღმასრულებელ ხელისუფლებასა და სამოქალაქო საზოგადოებას შორის ურთიერთთანამშრომლობის გაძლიერებას. კერძოდ, ასოცირების შეთანხმების დაგეგმვის, განხორციელებისა და მონიტორინგის პროცესში არასამთავრობო ორგანიზაციების ჩართულობას.