ნატო ბაჩიაშვილმა თავდაცვის კოდექსის განხილვაში მიიღო მონაწილეობა, რომელიც 8 ნოემბერს თავდაცვის მინისტრის მოადგილე, ნუკრი გელაშვილმა წარმოადგინა არასამთავრობო ორგანიზაციების და აკადემიური წრეების წარმომადგენლებთან თავდაცვის ინსტიტუციური აღშენებლობის სკოლაში (DIBS).

შეხვედრაზე მინისტრის მოადგილემ კოდექსში შემუშავებულ ცვლილებებზე ისაუბრა. მისი თქმით, შემოთავაზებულია სავალდებულო სამხედრო სამსახურის ახალი მოდელი, თავდაცვის ძალების ახალი სტრუქტურა, ასევე არსებული კანონმდებლობის კოდიფიცირება, სადაც მოქმედ ნორმათა შორის წინააღმდეგობები აღმოიფხვრება და მანამდე დაურეგულირებელი საკითხები მოწესრიგდება.

შეხვედრისას განიხილეს ორგანიზაციების მიერ წარმოდგენილი შენიშვნები და წინადადებები.