უსაფრთხოების ბარომეტრი

2012 წლის აპრილიდან 2013 წლის მარტამდე გეოპოლიტიკური კვლევების საერთაშორისო ცენტრი (ICGS) უკრაინის საჯარო პოლიტიკის ინსტიტუტთან (UIPP) ერთად ახორცილებდა პროექტს - - „უსაფრთხოების ბარომეტრი“ - საქართველო-უკრაინის უსაფრთხოებისა და სტაბილურობის რეგიონული გამოწვევების მონიტორინგი და წინასწარი ანალიზი.

კვლევის მიმდინარეობისას გამოქვეყნდა 4 კვარტალური ანგარიში, რომელთა პრეზენტაციებიც გაიმართა თბილისსა და კიევში. კვლევის საბოლოო შედეგები წარმოდგენილ იქნა 2013 წლის 14 მარტს ქ. თბილისში და 2013 წლის 1 აპრილს ქ. კიევში.

პრეზენტაციებზე განხილულ იქნა უსაფრთხოების 4 ბლოკი: სამხედრო-პოლიტიკური უსაფრთხოება; ეკონომიკური და ენერგოუსაფროება; ჰუმანიტარული და საინფორმაციო უსაფრთხოება; ეკოლოგიური უსაფრთხოება.

კვლევაში განსაკუთრებული ყურადღება მიექცა რეგიონში არსებულ სამხედრო-პოლიტიკურ საფრთხეებს, საქართველოში საპარლამენტო არჩევნების შემდგომ შექმნილ ვითარებას და საქართველო-რუსეთის ურთიერთობებს; ასევე, უკრაინის შიდაპოლიტიკურ მდგომარეობას, უკრაინა-რუსეთის ურთიერთობებს, სავაჭრო ომებსა და საგარეო პოლიტიკის სხვა აქტუალურ პრობლემებს.